ANIKA
Lihim na nagdiwang ang aking kalooban nang buhatin ako ni Harold paakyat sa silid namin sa ikalawang palapag. Nakita kong dumating si Clara kasama si Claire, pero hindi siya napansin ng lalaki niya dahil nasa akin ang atensyon nito.
Habang paakyat kami ng hagdan, may sinasabi ako kay Harold, pero nasa babae niya nakatingin ang mga mata ko at pinapanood kung paano bumalatay sa mukha niya ang galit, selos, at inggit.
Nagtama ang mga mata namin ni Clara. Hindi nakaligtas sa mga mata ko kung paano nalukot ang kaniyang mukha habang buhat ako ni Harold paakyat sa hagdan.
Nakita niyang pumasok ako sa loob ng silid namin ni Harold. Wala siyang nagawa dahil siya ang babae ng asawa ko, at ako pa rin ang may karapatan sa lahat ng bagay na narito sa pamamahay na ito.
It's their karma na haw
