Pagkatapos ng hapunan, muling naiwang mag-isa si Thalia sa kusina para maghugas ng mga plato. Katulong niya sana si Matthew pero itinaboy niya ito palabas ng kusina dahil hindi sila matatapos sa ginagawa kapag kasama ang binata, umiral na naman kasi ang kakulitan nito. At isa pa ay alam niyang may kailangang gawin ang tatlo at hinihintay na ito ng kambal sa living room kaya ipinagtulakan niya ito palabas sa kusina na ikinasimangot ng binata pero sa huli ay wala rin itong nagawa.
Mabilis lang natapos si Thalia sa ginagawa at paglabas niya sa kusina ay nakita niyang abala ang tatlo sa living room, sobrang daming papeles sa harap ng mga ito. Hindi alam ni Thalia kung napansin ng tatlo ang kanyang presensya dahil nakatutok ang atensyon ng mga ito sa ginagawa. Hindi na rin niya ang mga ito ina
