“ANO bang ginagawa mo diyan at kailan ang balik mo dito? Nag-aalala na ang daddy mo,” tinig iyon ng madrasta niyang si Mila.
“May inaasikaso pa ako dito Ma. Pakisabi kay Daddy okay lang ako. Wala siyang apat na ipag-alala,” sagot ni Karen sa kagustuhang tapusin na ang usapang iyon.
“Pero anak, si Jake na naman ba ito?” ang nakikiusap nitong tanong sa kanya.
“Ma, pabayaan mo nalang ako. Malaki na ako at kaya ko na ang sarili ko,” giit niya kahit ang totoo ay naiiyak na siya nang mga sandaling iyon.
“Hindi dapat ginagawa ang ganito sa sarili mo, Karen, hija. Sana iniisip mo kami ng daddy mo. Worried na kami sa iyo,” paliwanag pa ni Mila na sa tono ng pananalita ay halatang wala itong planong tigilan siya.
“Ma, please, just give me some time. Kailangan kong gawin ito,” aniya sa isang pin
