“NANDIYAN ba si Dr. Rellama?” ang nakangiting tanong ni Karen sa nurse na nasa reception area ng floor na iyon ng ospital kung saan naroon ang clinic ng dating nobyo.
“Yes ma’am, may appointment po ba kayo sa kanya today?” ang mabait nitong tanong-sagot sa kanya.
Magkakasunod na umiling si Karen bilang tugon sa tanong niyang iyon. Pagkatapos ay nagbuka siya ng bibig para magpaliwanag. Alam niyang kung sasabihin niya dito na dati siyang nobya ni Jake, malamang ay hindi siya nito papasukin. Lalo at inamin niyang wala siyang appoint rito. Dahil doon ay mabilis siyang nag-isip ng iba pang pwede niyang idahilan. Tutal ay mukha namang hindi siya nakikilala ng babaeng ito dahil iba ang natatandaan niyang nakaduty dito nang una siyang dumalaw dito para makita si Jake.
“Pinsan kasi niya ako. Gus
