“MALILIGO lang ako,” iyon ang isinagot ni Monica sa kanyang asawa bago nagbawi ng tingin mula rito.
Parang tukso siyang inaakit ni Jake sa ayos nito. At kung noong magkasintahan pa lamang silang dalawa ay nagagawa na nitong ilabas ang lahat ng landi na nakatago sa katawan niya. Paano pa kaya ngayong nasa kanya na ang lahat ng dahilan dahilan para maging komportable ng tuluyan dito?
Sa pagkakaisip ni Monica sa salitang ‘landi’ ay lihim niyang pinagtawanan ang kanyang sarili.
Nakakaloka na ikinasal lang siya pero kung anu-ano na ang naiisip niya.
Gaya ng sinabi niya kay Jake ay naligo lang siya. Pero hindi niya ginawang mabilis ang kanyang pagliligo.
Dahil kinuha niya ang lahat ng oras para maglunoy sa maligamgam na tubig.
Pakiramdam kasi niya nang mga sandaling iyon ay ibang tao na
