MABILIS na nagsalubong ang mga kilay ni Conrad nang mula sa loob nang kanyang kotse ay natanawan niyang madilim ang bahay ni Monica.
Oo at posible nga na gabi na. Pero pasado alas nueve pa lamang kaya nakapagtatakang tulog na ang mga ito?
Tanging ang ilaw sa may harapan ng bahay ang bukas. At alam naman niyang palaging iniiwan ni Monica na ganoon iyon tuwing gabi.
Hindi maganda ang kutob niya. At iyon ang nakikita niyang dahilan kung bakit parang gusto niyang bumaba at kumatok man lang o di kaya ay mag-door bell sa may gate. Pero nagpigil siya.
Inisip niya na baka pagod si Monica sa maghapon nitong pag-aalaga sa anak nila. Kasama na rin doon ang pagsa-side line nito ng leche flan at iba pang kakanin. Kaya sa halip na bumaba ay pinatakbo nalang ang sasakyan.
Bukas nalang siya ng umag
