NAMAGA ang kamay ko bago ko narating ang mansion ni Sir Charles, at halos naligo ako sa malagkit na pawis dahil sa pagtitiis ng sakit.
May dalawang bantay na sa may gate at ayaw pa sana akong papasukin dahil kabilin-bilinan daw ng kanilang amo na huwag magpapasok nang kung sino, at kahit anong paliwanag ko na kakilala ako ni Sir Charles ay ayaw nila maniwala sa akin. So ang nangyari ay pinagising pa ng isang security guard sa kasama nito si Sir Charles, saka nila ako pinayagan makapasok ng gate.
Pero pagpasok ko ng mansion ay nagulat ako nang makita si Sir Charles na nakasaklay na dahil hindi na mailakad nang maayos ang isang paa, natamaan pala ng baril ng mga taong lumusob sa mansion ni boss nung gabing ’yon.
“Nag-alala ako sa ’yo nang sobra, sir. Lubos akong nagpapasalamat na ligtas
