AMBER’S POV
TAHIMIK ang paligid. Wala akong nakitang iba pang mga tao maliban sa amin ni Wyatt na naglalakad sa kalsadang parti pa ng hotel. Hindi ko alam kung ano ang kapangyarihan na taglay niya na basta ko na lang tinanggap ang kamay niya nang inilahad niya sa akin. Walang pag-alinlangan na sumama ako sa kanya.
Maganda pagmasdan ng mga nakahilerang decorative lamp post—masarap sa mata ang binibigay na dim light. Pang world class din ang landscape. Kung pwede sa masa ang lugar na ito ay malamang ginawa nang lovers lane dahil sa romantic ambiance. Perfect spot para sa magkasintahan na nagde-date.
Naiintindihan ko kung bakit wala akong nakitang pagala-gala. Mga bilyonaryo ang mga guest sa hotel na ito. Hindi uso sa kanila ang holding hands while walking bilang date. Mas gusto nila ang
