"Nakipaghiwalay sa iyo si Fionah?" gulat na gulat na bulalas ni Mommy. "That's what I'm telling you. Nasa iyo na kasi siya kung bakit naisipan mo pang bumalik ng Pilipinas?" Napahawak sa sentido niya si Mommy sabay tingin sa akin habang umiiling.
Pagkauwi ko galing ng HU ay ito kaagad ang ibinalita ko sa kanya. Ang balak ko sana ay sundan si Fionah sa apartment niya at humingi ng tawad. Subalit naisip ko na palalamigin ko muna ang ulo niya at bukas na siya suyuin.
"Hindi ko naman po alam na ganito ang mangyayari, Mommy. Gusto ko lang naman pasakitan si Ziel upang makaganti ako sa pang-aagaw niya sa babaeng mahal ko. Pero bakit po ganoon? Kahit anong gawin ko, bumabalik pa rin siya kay Ziel," naiinis na himutok ko. Sinabunutan ko ang aking sarili at marahas na nagpakawala ng buntonghining
