Ang hiling ko lang naman sa Diyos ay makitang muli si Fionah kahit sa aking panaginip. Sobra-sobra naman ang ibinigay niya sa akin dahil ibinalik niya sa akin si Fionah.
Pinagmasdan ko ang paghawi ni Fionah ng kanyang buhok. Narito kami sa tabing-dagat at minamasdan ang paglubog ng araw.
Nakaupo kami sa buhanginan habang kandong niya si Zion na kumakain ng mansanas.
"Ituloy na natin ang kasal natin, babe." Untag ko kay Fionah. Nang nakaraan ko pa ito gustong sabihin sa kanya. Konti na lang naman ang aasikasuhin namin at iyon ay mag-a-adjust na lang kami ng konti sa bisita, ang florist para sa disenyo ng kanyang bouquet at ang menu para sa kakainin sa venue. Isasama na rin pala namin ang entourage dahil papalitan namin ang ilang abay at sponsors doon. Nangunguna na sa listahan ko ang bes
