"Ano ba sa tingin mo ang ginagawa mo? Hindi ba sinabi ko sa'yo na huwag kang aalis ng bahay? At talagang sinasamantala mo na wala ako para makapaglandi ka!" Madiin ang hawak ni Jacob sa braso ni Jada. Pag-uwi kasi niya ay hindi niya ito nadatnan at ang kaniyang anak sa kanilang bahay. Nang tawagan niya ito ay nakapatay naman ang cellphone nito kaya nagbakasakali siyang pumunta sa apartment ni Dahlia, wala naman kasi siyang ibang alam na pupuntahan ni Jada kung hindi ang mga kaibigan lang nito. Wala kasi itong mga kamag-anak na malalapitan.
Napangiwi si Jada sa sakit at hindi napigilan na mapadaing. "Bitiwan mo 'ko! Bago ka magalit alamin mo muna ang nangyari. Ikaw nga itong tinatawagan ko pero hindi mo naman sinasagot ang mga tawag ko."
"Bakit tumawag ka ba? Wala naman akong nakitang taw
