Dahil matagal nang naghihintay sa parking si Jacob at hindi pa rin niya nakikitang lumabas si Jada, kaya naman napagpasiyahan niya na pumasok na lang sa loob ng ATS building at puntahan ang asawa sa opisina nito. Hindi niya kasi ma-kontak ang cellphone nito. Naisip niyang baka nag-overtime si Jada, kaya hindi agad lumabas ng sumapit na ang alas singko na oras dapat ng uwian nito.
Naghintay siya ng bubukas na elevator para magpahatid sa 5th floor. Apat ang elevator doon, tama namang bumukas ang nasa harapan niya. Nabungaran niya si Dahlia na palabas sa bumukas na elevator.
"O, Jacob, ano ang ginagawa mo rito?" agad na tanong ni Dahlia sa kaniya.
"Pupuntahan ko si Jada sa office niya, hindi pa kasi bumababa hanggang ngayon," tugon niya.
Nangunot ang noo ni Dahlia. "Wala bang nabanggit sa
