Nanginginig ang mga tuhod ni Jada habang papalayo kina Jacob at Sabina, ang totoo ay gusto na niyang panghinaan ng loob. Ipinakita niya sa mga ito na matapang siya ngunit ang totoo ay mahina siya dahil kung matapang at malakas siya ay hindi siya kakayan-kayanin lang ng mga ito.
Ang balak niya ay umuwi na. Ngunit nagulat na lamang siya ng biglang may humatak sa kaniya.
"I miss you, sweety!"
Napaawang ang bibig niya nang makita si Caleb. Hindi niya alam na nakabalik na pala ito ng bansa.
"Ano ang ginagawa mo rito?" iritadong tanong niya sa binata.
"Imbitado rin ako sa party na ito," sagot ni Caleb.
Hindi nakaimik si Jada dahil aminado siyang may mali sa paraan ng pagtatanong niya.
Hinila siya ni Caleb palapit sa grupo ng mga taong nagsasayawan sa dance floor at masuyo niyang sinabi,
