Malapit nang sumapit ang alas dose ng hapon ng dumating sila Jada sa kanilang bahay. Alam nila Dahlia na ngayon ang uwi niya kaya nagluto ito at si Heidee ng masarap na pagkain para pagsaluhan nila sa tanghalian.
"Dito ka na mag lunch, masarap magluto si Dahlia at Heidee," aya ni Jada kay Caleb. Matapos mailabas sa compartment ng kotse ng binata ang maleta ni Jada, ay inakyat naman ito ni Heidee sa silid nila.
"Oo nga Mr. Soverano, dito ka na mananghalian marami kaming nilutong pagkain, sobra-sobra pa para sa aming tatlo," segunda ni Dahlia, gusto rin niyang magtagal si Caleb sa kanila dahil may pagkakataon na siyang matitigan at makilala pa ito ng husto. Matagal na niyang crush si Caleb at lagi niyang hinihintay ang pagkakataon na makadaupang palad ito. Kanina lang ng ipinakilala siya
