"Magandang umaga po, Lola."
Magalang niyang pagbati sa matanda. Ito ang nadatnan sa malaking sala. Kaso naisip niyang baka wala itong kasama.
"Magandang umaga rin sa iyo, Adel. Sino ang batang iyan? Huwag mong sabihin hulog na rin ng langit iyan."
May pagtatakang tugon ng Ginang. Dahil kilala naman niya ang dalaga. Wala itong boyfriend upang isipin niyang anak nito ang sanggol na nasa kanlungan nito. Mabuti sana kung anak nito sa apo niya. Kaso malabo ring mangyari iyon dahil nasa ibang bansa pa ito.
"Hindi po, Lola. Sa katunayan ay nanggaling ako sa sementeryo. Nag-alay ng panalangin kina Nanay at Tatay. Ibinalita ko ang good news kahapon. Kaso kaninang paalis na sana ako ay nakita ko siya sa harap ng isang puntod. Sorry po pero naawa kasi ako sa kanya kaya't kinuha ko siya. Si Ate po
