(AMELIE)
Umiiyak ako. Takot. Kinakabahan. Nakasandal sa'kin si Danna. Nakapikit siya. Mabilis ang taas-baba ng kanyang dibdib. Papunta na kami sa hospital. Si Lucas ang nagmamaneho ng kotse.
Alam ko kung gaano ka delikado ang ma-allergy dahil na experience ko na ito. Kinapusan ako ng paghinga. Akala ko katapusan ko na noon.
Hindi ko na mapigilan ang mapahikbi. Paano kapag may mangyaring masama kay Danna?
Sa bilis ng pagtatakbo ni Lucas ay narating namin ang hospital sa loob lang ng ilang minuto. Agad na binuhat ng asawa ko ang ex niya. Sa hitsura niya ay sobrang namumutla siya. Patakbo niyang sinugod sa loob ng Emergency room si Danna. Iniwan niya ako. Tila ba nakalimutan niya na kasama nila ako.
Susunod na sana ako nang makita si Danna na bahagyang bumaling sa akin. Nakangisi. Nanlak
