UMUPO si Aggie sa gilid ng kama bago ito nakikipag-usap sa ama niya.
"Kumusta ang lakad mo, Pa?" mahinahon niyang tanong sa ama.
"Nakausap ko ang mayor at ang sabi ay pupunta ang sekretarya niya dito bukas para i-verify kung totoo ang idinulog ko sa kanila. Ikaw, kumusta ang lakad mo?" balik tanong ng ama niya.
"Ito lang nahiram ko, Pa." Sabay abot niya sa anim na libo.
"Okay na iyan, kaysa waIa. Ikaw na ang humawak niyan," anang ama nito.
"Ikaw na, Pa. Dahil bukas ay uuwi ako para maglaba sa ibang kustomers."
"Sige." Malungkot ang ekspresyon ng mukha ni Lucio at dahil naawa siya sa kanyang anak. Subalit wala siyang magagawa dahil mahirap lang sila.
Kinabukasan ay umuwi nga si Aggie sa baryo nila. Kumain lang ito saglit at pagkatapos ay agad ng umalis. Pinuntahan muna niya ang
