February
Wala pang isang oras ay nakarating kami sa mansyon ng mga Delavega sa Tanay Rizal. Hindi ito ang unang beses kong makarating dito. Maraming beses na simula noong maging magkaibigan kami ni Nixon. Madalas niya akong isama dito kaya kabisado ko na ang buong mansyon.
Malapit lang din sa lugar na ito ang mansyon naman ng isa sa mga kapatid ni Tito Drake, si Tito Damien. Maging ang mga anak nila ay nagkaroon na rin ng mga sari-sariling tahanan na hindi nalalayo sa kanila.
Pagdating pa lang namin ay agad na tinipon nila ang buong staff ng mansyon at kinausap nang masinsinan. Naroon ang lahat—ang mga guwardiya, hardinero, kusinera, yaya, at maging ang mga tagalinis—nakapila at tahimik na nakikinig kay Nixon. Nasa harapan din nila sila Tito Drake at Tita Nikki.
"Hindi ko na kailangan
