February
"Ninang! Good morning, Ninang!"
Bigla akong nagising sa taong dumagan sa akin at yumakap. Narinig ko rin ang matinis na boses ni Camila, bunsong anak nila Ate May-May at Kuya Chane.
Agad kong hinila ang kumot sa mukha ko at nilingon siya. Nakangirit niyang mukha ang bumungad sa akin.
"Good morning, Ninang! Tanghali na, nakahilata ka pa!" Hinalikan niya ako sa pisngi.
Natawa naman ako at tuluyan na siyang hinarap. "Good morning, 'nak," bati ko rin sa namamaos ko pang tinig.
Saturday ngayon kaya kapag ganitong araw ay gumagala sila ng pamilya niya dito sa bayan, at ako kaagad ang pinupuntahan niya dito sa mansyon nila Kuya Charles.
Ten years old na siya pero parang baby pa rin. Maliit siyang babae na nagmana kay Ate May-May. Noong bata pa kasi si Ate May-May ay ganito lang d
