______________
"Diyos ko iligtas mo po ang anak ko parang awa mo na"... Tuloy sa pagluha ang ginang habang karga ang isang sanggol.
Sinugod niya ang masukal na kagubatan upang matakasan ang mga lalaking may dalang baril at patalim. Mabuti na lang at hindi umiiyak ang sanggol. Nakatingin ito sa kanya na tila ba naiintindihan ang ginagawa ng ginang.
Biglang nahinto ang ginang sa pagtakbo ng makarinig ng malakas na putok sa di kaluyuan. Hindi pa nakakahakbang ay isang putok na naman ng baril ang kumawala. Napaupo siya sa sobrang takot at niyakap ng mahigpit ang sanggol.
"Anak, hindi ka pwedeng mamatay. Hindi pwede" at pinahid ang luha sa kanyang mga mata. Tumayo siya at muling nagpatuloy sa pagtakbo. Wala siyang balak tumigil ang tanging nasa isip niya lamang ay makatakas sila ng
