HINDI na makita ni Katrina si Rafael kahit si Alessandro kaya hinintay na lamang niya si Jero sa kuwartong pinag-iwanan nito sa kanya. Isang oras na siyang nakahiga sa kama. Mamaya ay may kumatok sa pinto. Bumalikwas siya nang bangon at binuksan ang pinto. Tumambad sa kanyang harapan ang daddy ni Jero.
“Tito…” naiilang na sambit niya.
“Kumusta ka na? Kumain ka na ba?” seryosong tanong nito.
“Opo.”
“Parating na sila Jero.”
“Kasama na po ba nila si Syn?”
“Oo.”
“Kumusta na raw po si Syn?” Inalipin siya ng kaba.
“She’s fine. Mamaya malalaman natin kung saan siya dinala ng lalaking dumakip sa kanya. Sumama ka muna sa akin. Hinihintay ka ng tita mo,” anito.
Inayos niya ang kanyang sarili saka sumunod dito. Namangha siya, mas malawak pa pala sa inaakala niya ang academy na iyon. Hindi pa
