Hindi ako makatulog dahil sa naobserbahan ko sa waste barrel. Hindi ko nga alam kung dapat ko ba itong sabihin sa kanila o hindi dahil baka mamaya magpanic sila, lalo na sila Eve at sila lolo. Mas matagal silang namalagi sa islang ito kaya alam ko na ganun na lang ang pagmamahal nila sa islang ito.
Pumikit ako at sinubukang kausapin si Marvin o kaya si Henry para naman may mapagsabihan ako at mahingian ng opinyon dahil mas alam nila ang gagawin sa ganitong sitwasyon pero sa kasamaang palad hindi ko sila maramdaman.
Napabuntong hininga na lang ako at tumayo. Aksidente akong napatingin sa wall clock at nakita ko naman na alas dos na pala ng madaling araw. Tumayo ako at nagtungo na lang sa deck ng ship namin para naman makapagpahangin, hindi namam apektado ng nasa tubig ang hangin kaya okay
