Erlinda
"HINDI ko na po alam kung ilan na silang nakahanap ng bahay namin," natatawa kong sabi bago ko muling tinungga ang baso ng alak ko. Nilunok ko muna ito bago nagpatuloy, "Basta nakikita ko na lang sila na tumatambay sa malapit sa amin tapos patingin-tingin sa bahay namin. May ilan pa nga sa kanila ang kumatok sa pinto sa magkaibang araw."
"Hinaharap mo ba sila?" nakangiti niya ring tanong.
"Noong unang beses lang, tinataboy ko sila. Kaya lang makukulit, eh. Kaya 'yong mga sumunod na araw, nagtatago na ako... One time, napansin na ni Papa at naramdaman na ako ang pinupuntahan nila. Ayon, naglabas agad siya ng itak at hinabol sila." Natawa ako ng malakas nang maalala ko ang mga eksenang 'yon. "Nagtakbuhan agad sila palayo, may mga nadapa pa nga."
Maging siya ay natawa rin ng malak
