Ria
"Pasensiya na, mukhang ang mga guard namin ang nagturo ng bahay niyo sa kanya," ani Ate Crystal. Kausap siya ngayon ni Daemon sa cell phone. Naka-on ang speaker nito kaya naririnig ko. "I forgot to tell them," dagdag pa niya.
"It's okay," sagot ni Daemon at agad na ring pinutol ang tawag. Iniabot niya sa akin ang cell phone niya, na agad ko ring tinanggap bago siya lumabas ng pinto.
Si Daeria naman ay nasa tabi ko na. Si Lucia ay ipinasok na ni Jonnel sa veranda at ngayon ay pinupunasan na ni Yaya Erlinda gamit ang tuyong tuwalya.
Lumapit kaagad kay Daemon si Kuya Benito na may dalang malaking payong at pinayungan siya habang patungo sa gate.
"Dandan!" sigaw pa rin ni Lucinda mula sa labas habang patuloy na kinakalampag ang gate. "Hindi ako aalis dito hangga't hindi ka lumalabas
