Pagkalipas ng kalahating oras ay nakita ko si Boss Elordi na salubong ang kilay na palapit sa akin. Kita ko sa mukha nito ang galit.
Mukhang hindi nito nagustuhan ang ginawa kong paghihintay rito.
"Nag-iisip ka ba?" singhal nito pagkalapit sa akin. Mariin nitong hinawakan ang braso ko at pilit akong pinatatayo. Mariin akong napapikit nang maramdaman ang kirot sa aking binti. Sobrang sakit to the point na napasalampak ako sa buhanginan kahit pa mahigpit ang hawak nito sa braso ko.
"Damn! Hindi gumagamit ng utak." Inis na ani nito. Basa ang damit ko at mabuhangin na rin pero hindi ito nag-alinlangan na buhatin ako. Hindi ko ito magawang tignan dahil pakiramdam ko'y muli ko na naman itong na-disappoint.
Sinalubong kami ni Lira na may dalang towel at mabilis na ipinatong sa katawan ko.
