PINANOOD ni Tyrone na pumasok si Georgina pabalik sa banyo upang ipagpatuloy nito ang paliligo. Nang tuluyang makapasok ang nobyo at maisara ang pinto ay agad siyang kumuha ng kaniyang mga damit sa drawer at nagbihis. Matapos magbihis ay lumabas siya ng kaniyang silid. Naabutan niyang naghahanda ng makakain sa mesa si Nanang Tessie sa dinning, ngunit bihis na bihis na ito at sa kaniyang palagay ay ngayong oras din ay aalis na ang ginang upang bumalik sa Isla dahil nasa maayos nang kalagayan ang anak nito.
“Magandang umaga, pasensiya na at hindi ko na kayo naantay pang bumaba kagabi. Dumiretso na ako sa isa pang silid dito at doon na nakatulog, kaya bumawi na lamabg ako sa inyong almusal,” bungad na wika ni Nanang Tessie sa kaniya matapos ay ngumiti. Inilahad nito ang inihandang pagkain s
