Malakas ang buhos ng ulan na may kasama pagkulog at kidlat. Yuan came right on time to save Aya's kitten. Kanina kasi nang mapansin niya na kumakapal na ang ulap at umaambon na ay pinuntahan niya ang kuting at dinala sa bahay niya. At wala pa yatang sampung minuto ay bumuhos na ang ulan.
May dalawang linggo na rin na hindi niya nakaharap si Aya dahil natatakot siya. Takot siya na matitigan nito dahil baka mawala siya sa sarili. Takot siya na ngitian siya nito dahil baka makuyumos niya ito ng halik. Bago lang sa kanya ang nararamdaman niya at hindi niya kailan man naramdaman sa kahit sinong babae. Ngayon lang siya nakaramdam ng malakas na ataksiyon.
Atraksiyon nga lang ba?
Napailing siya. Humigop na lang ng kape. At saka hinimas ang balahibo ng munting kuting na katabi niyang nakaupo sa
