Hindi naman kalayuan ang yacht party na pinuntahan nila ni Kenzo. Halos malapit lang naman sa mansyon. Ang mansyon kasi ng mga Fisher ay nasa mismong tinatawag na Beach House sa bayan ng San Juan. May magandang beach sa bayan at pagmamay-ari daw iyon ng mga Fisher. Open ang beach sa lahat kaya minsan marami ang nagpupunta roon para maligo dahil libre lang naman. Ang buhangin, pino. Ang tubig, malinaw kahit gabi.
“How old are you, Aila?” tanong sa kanya ni Kenzo nang marating na nila ang parking area. Ang ilaw ng mga poste, sumasayaw sa hood ng kotse.
“Eighteen po, Sir Kenzo,” tugon niya.
Tumango ito sa kanya. “Don’t forget. Huwag mo kong tatawaging Sir Kenzo mamaya. And also, huwag kang mag-po at opo sa akin,” bilin nito sa kanya. Ang boses, hindi galit. Pero may diin.
Tumango nama
