Nakaramdam siya ng mainit na paghinga sa kanyang pisngi. Dahilan para magmulat ang kanyang mga mata. Hindi niya namalayan na, sa kanyang pagod marahil, nakatulog siya sa sofa kung saan siya naupo kanina habang kumakain ng chocolate at hinihintay ang pagbabalik ni Kenzo sa silid nito kung saan siya nito iniwan kanina.
Nanlaki ang kanyang mga mata nang makitang halos kahibla na lamang ang layo ng mukha ni Kenzo sa kanya. Ang mainit na paghinga pala ng amo ang kanyang naramdaman dahilan para magmulat siya ng mga mata. Ang ilong ni Kenzo, halos dumadampi na sa kanya.
“Aila,” tawag nito sa kanya sa pinaka-mainit nitong tinig. Na tila ba inaakit siya nito habang nakatingin sa kanyang mga mata. At halos magpang-abot na ang kanilang mga labi. Amoy alak si Kenzo. Matapang. Pumasok sa ilong niya
