PADAPA na nakahiga si Eliza. Wala siyang ano mang saplot sa katawan. Tinanggal na ni Corbin ang posas ngunit nakayakap naman ito sa kanya. Sumusundot sa tagiliran niya ang magiting nitong sandata. Hubo't-hubad din ito. Katatapos lang nila magniig. Alas kuwatro na ng umaga ay wala pa rin silang tulog. Sinusulit nila ang sandali na iyon dahil hindi sapat ang isang gabi para maibsan ang pananabik at pangungulilala nila sa isa’t-isa.
Si Corbin lang ang may kakayahan na tibagin ang kanyang depensa. Nalulusaw kaagad siya sa mga yakap at halik nito. Nagiging mahina siya kapag kaharap ito. Sa sulok ng puso niya ay gusto niya magtapat na buhay siya at siya si Eliza ngunit gugulo lang ang lahat lalo na kung matutuklasan nito ang lihim niyang pagkatao. Mahahati ito sa pagitan ng batas at pag-ibig. A
