NAKATUTOK ang mata ni Corbin sa monitor ng computer kung saan pinapanood nila ng iba pa niyang kasamahan ang kuha sa CCTV ng office firm ni Pauline. Hindi siya makapag-concentrate dahil nakalutang utak niya sa kahindik-hindik na naganap. Hindi siya makapaniwala na wala na si Pauline. Hindi na ito dinala sa hospital dahil sa crime scene pa lang ay kinumpirma na wala na itong buhay.
Pinayagan niya si Eliza nang magpaalam ito na lalabas upang bilhin ang kulang na ingredients para sa lulutuin nitong special menu. Pwede naman na mag-utos sila sa katulong pero hinayaan niya na si Eliza ang gumawa niyon dahil ayaw niya na maramdaman nito na kinukulong niya ito sa mansyon lalo na’t hindi pa niya ito pinapayagan na bumalik sa Knives. May tiwala siya na hindi ito gagawa ng bagay na hindi niya magug
