Mabilis na nagbihis si Olivia pagkaalis ni Grayson. Pulang-pula ang kanyang mukha at hindi niya alam kung iiyak ba siya o tatawa sa mga naganap kanina.
Pagkabihis niya at sakto naman na dumating ang kapatid niyang si Althea galing sa eskwela.
“Ate, anong nangyari sa mukha mo? Bakit namumula ka?” Inosenteng tanong nito.
Si Althea ang ankababata at nag-iisang kapatid ni Olivia. Kahit na magkapatid lamang sila sa ina ay mahal na mahal niya ito, lalo pa’t mayroon itong sakit sa puso. Ingat na ingat si Olivia sa kapatid niyang ito.
Tipid na ngumiti ang dalaga kay Althea. “Ang init kasi, kaya siguro namumula ang mukha ko. Nagugutom ka ba? May pagkain doon sa kusina, kuha ka lang ha? Pupunta muna ako ng palengke.”
Hindi na hinintay ni Olivia ang kapatid, umalis na siya para makaiwas sa
