Gusto mang kiligin ni Dylanne kanina dahil sa ginawa ng binata para sa kanya nang mahulog siya sa sofa ay nagpigil siya sa sarili. Ramdam niya ang bawat parte ng katawan nitong nakadikit sa kanya kanina. At ang sarap pala ng pakiramdam na niyayapos siya ng binata. Kaya lang ay agad niyang naalala ang Mexicana at ang pangako niya sa sariling magmo-move on na.
Napahiya tuloy siya sa lalaki.
Paano kung naramdaman niyang hindi pala kalakihan ang boobs ko kumpara sa Mexicanang ‘yon? Well, as if hindi naman obvious iyon. Pero baka naman ay kinukumpara na niya ako sa nobya niya, ‘no?
Isa pa, nadiskubre nga nitong makulit at magaslaw siya sa kama kaya nga sa sahig siya humihiga kapag tinatamad siyang lumipat sa kanyang kama at inaantok na nanonood ng TV sa sala. Carpeted naman ang sahig sa bah
