“Esme— May naghahanap sa’yo, pogi!” gilalas ng isa niyang kasamahan.
“Sino?” wala sa isip nitong tanong. Ang direksyon ng mga mata niya ay sa lalaking kauupo pa lang.
“Ninong Tiago mo daw,” turan nito.
Hindi nga siya nagkamali, sapagkat ang familiar na mukha ay ang Ninong Tiago nga niya. Dahan-dahan siyang naglalakad patungo sa kinaroroonan ng lalaki, at halos hindi siya kumukurap. Nang nasa tapat na siya ay agad namang tumayo ang Ninong Tiago niya.
“Es-Esmeralda?” Tulala siya habang titig na titig sa dalagang nasa harapan niya ngayon.
“Opo… Ninong Tiago.” Kinuha niya ang kamay nito at dinala sa noo niya.
“Dalagang-dalaga ka na!” pahayag nito, at mahigpit siyang niyakap.
Nabigla naman siya sa ginawa ng Ninong Tiago niya. Ibang-iba ang pakiramdam nito sa yakap na iyon, hindi i
