PALIPAT-LIPAT ang tingin ng nars sa kanilang dalawa, at naiirita na si Esmeralda.
“Nars — Sabihin mo na ang hindi ko alam!” Bahagyang tumaas ang boses niya, dala na rin sa takot na kanyang nararamdaman nang sandaling iyon.
“Wala na ang pasyente, patay na siya.” Malungkot nitong paglalahad
“Hindi — Hindi totoo ang sinabi mo! Bawiin mo ang sinabi mo, hindi patay ang tatay ko!” Naghesterikal si Esmeralda sa nalaman niya.
“Esme… Esme kumalma ka.” Panunuyo ng ninong niya, at niyakap siya.
“Hindi totoo ang sinabi niya, ninong!” wika nito, at humagulgol siya.
“Nars, nasaan na ngayon ang pasyente?” malambot nitong tanong.
“Sa morgue sigurado, sir,” mahinahon niyang tugon.
“Sige, salamat,” aniya.
Nang matapos makuha ni Tiago ang buong impormasyon ay umalis na sila at akay-akay niya
