Napatanga si Zascha sa kawalan nang tumayo si Zeron at iniwan siya roon sa study room nito. Napalunok siya at napasandal na lang sa likod ng couch.
Bumuga siya ng hininga at pinakiramdaman ang sarili. Hindi pa rin mawala-wala ang kakaibang kaba sa kanyang dibdib.
Nakagat niya ang labi at naipikit ang kanyang mga mata. Bumuga siya ng hininga at marahas na iniling ang ulo. Napapitlag lang siya nang biglang bumukas ang pinto.
Dumungaw roon ang isang kasambahay.
"Ma'am, sabi ni sir lunch na raw po kayo," nito sa kanya.
Bumuntong-hininga lang siya at saka tumango. Nang umalis na anag kasambahay ay saka siya tumayo at sumunod sa labas.
Dumiretso siya sa dining kung saan naghihintay ang mag-ama niya.
Nakagat niya ang labi. Nakita siya ni Zachi.
"Mom! Come here ba po!" masayang sabi
