NAILIPAT na sa ward ang mama ni Rain pero hindi pa rin nagigising. Umuwi siya kinabukasan sa mansiyon upang kumuha ng bagong mga damit. Nagpalaba na siya ng damit sa labandera nila upang hindi na siya mapagod.
“Ma’am Rain, ano ang gusto mong lunch?” tanong ni Elma.
Nasa kuwarto siya ng kaniyang ina at namimili ng damit. “Uh, puwede bang sinigang na hipon kung meron?” tanong niya.
“Sige po. May nabili naman kaming hipon kanina at malalaki. Kompleto rin ang rekado.”
“Mabuti naman. Salamat. At saka asiman mo na lang ang sabaw.”
Nakusot ang noo ni Elma. “Hindi po ba ayaw n’yo ng sobrang asim na sinigang?”
Nakangiting hinarap niya si Elma. “Okay lang, kahit ibukod mo na iyong sa akin para ako na magdagdag ng asim. May lemon naman, ‘di ba?” sabi niya.
“Ah, opo, meron! Sige pala.” Umalis d
