NAPASUGOD si Dion sa mansiyon ni Lucio. Ibinalita na kasi rito ng ina ni Rain ang kasinungalingan niya. Pinandindigan na lamang niya ang kalokohan nila ni Kaiden. Talagang hindi siya pinalabas ng bahay maghapon.
“Magpakonsulta ka na sa doktor, Rain,” ani Dion. Nasa lobby sila at nagmemeryenda ng dala nitong Italian pizza.
“Okay lang ako. Nagti-take naman ako ng vitamins,” aniya.
“That’s not enough. Kailangang masuri mabuti kung ano ang dahilan ng madalas mong pagkahilo.”
Napangiwi siya. Isang beses lang naman talaga siyang nahilo noong sunod-sunod ang puyat niya. Ang iba, gawa-gawa lang ni Kaiden.
“Nahihilo lang naman ako kapag kulang sa tulog. At saka alam ko na ang gagawin ko,” giit niya.
Ginagap ni Dion ang kanang kamay niya. Napatitig siya rito.
“You can’t go to Turkey with tha
