BLESSY
GUMUHIT ang masayang ngiti sa mga labi ko nang makapasok kami sa bago naming bahay na ipinagawa namin sa tabi ng barong-barong na tinitirhan namin noon ni Heaven. Hindi namin iyon magawang sirain dahil nando’n ang mga alala ng aming magulang at tiyahin. Parte na rin iyon ng aming pagkatao dahil doon na kami nagkaisip at lumaki. Kaya ipinaayos na lang din namin at ginawang pahingahan kapag gusto naming mas makalanghap ng sariwang hangin dahil yari iyon sa purong pawid at kawayan lang.
“Welcome to your new home, babe.” Narinig ko na sabi ni Dux mula sa likuran ko, bago ko naramdaman ang masuyong yapos niya sa baywang ko.
Nauna nang pumasok sa kani-kanilang silid sina Clay at Heaven na sinamahan naman ni Kuya Jomari na may sariling kuwarto na rin dito sa loob. Two-story naman ito. A
