DUX
“BABE, alam mo ba na mag-aaral na pala ng masteral si Ma’am Lucerna. Next month na raw ang enrollment. Niyayaya nga niya ako. Two years lang naman. Malaking factor din kasi iyon para sa mga susunod na promotion. Pero ang sabi ko, pag-isipan ko muna at saka ipapaalam ko rin sa’yo.”
Napahinto ako sa pagsubo at napatingin kay Blessy nang marinig ko ang sinabi niya. Unti-unting nabura ang kanina’y saya sa aking mukha nang makita ko ang inggit sa kaniyang mga mata habang ikinukuwento niya ang kaibigan at co-teacher niyang si Ma’am Lucerna. Kahit hindi man sabihin ng asawa ko, damang-dama ko ang kagustuhan niya na makapag-aral din ng masteral.
At gano’n din naman ang gusto ko para sa kaniya dati. Super supportive ako sa mga pangarap niya.
Pero ngayon…
“Ikaw ang bahala, babe. Iniisip ko
