Queenie
DALAWANG oras muli ang binyahe namin bago kami nakarating sa mismong property ng mga Dockens. Hindi na ako natulog habang biyahe dahil ayaw ko nang sumandal sa balikat ni Shrek.
Bukod pa doon, baka paggising ko ay ibang lugar pala ang pinuntahan namin at basta na lang nila ako iwan doon. Eh, 'di hindi ko nalaman kung saan 'yon. Mabuti nang alerto ako.
Pagkababa namin ng helicopter ay kaagad na sumalubong sa amin si Fiona. Kay Skylight kaagad siya yumakap at humalik pa sa labi! Umiwas na lang ako ng tingin at lihim na napaismid sa hangin. Kaagad din akong ngumiti nang bumaling sa akin si Fiona.
"Queenie! Akala ko talaga mapuputol na ang kasiyahan ko!" Nakipagbeso siya sa akin.
"Pwede ba naman 'yon? Hindi pwedeng bigyan ng stress ang bride. Baka mabawasan ang kagandahan sa mism
