Raina
Binalot kami nang nakabibinging katahimikan matapos ang mainit naming pagtatalik kani-kanina lamang.
Nakahiga ngayon sa tabi ko si Cielo habang ako naman ay nakayakap sa kanya at nakaunan sa braso niya. Nakayakap din ang isa niyang braso sa akin mula sa likod ko at tanging kumot lang ang nagtatabing sa aming kahubaran.
Tanging paghinga na lamang namin ang aming naririnig. Parehong banayad na rin ang t***k ng puso naming dalawa. Nananatiling nakadilat ang aking mga mata at nakatitig sa kawalan. Tuluyan nang nawala ang antok ko kanina.
Alam kong gising din siya sa mga oras na ito at nakikiramdam lang.
Alam kong mali ang ginawa naming ito, lalo pa't buntis ako sa batang hindi ko alam kung sino ba talaga ang tunay na ama. Hindi ko alam kung dapat ko bang paniwalaan ang sinabi ni G
