Minsan Pa
AiTenshi
Part 18
Mabilis lumipas ang mga araw na punong puno ng makabuluhang saya, heto pa rin kami ni Joem, nananatiling matatag at mag kasamang hinaharap ang hamon sa aming mga buhay.Tila ba nakasanayan narin naming dalawa na parating sumuot sa butas ng karayom para lang kumita at masuportahan ang aming pamilya, mabuti na lamang at nandito kami lagi para suportahan at tulungan ang isa’t isa. Naging sandigan namin ang bawat isa hanggang sa kapwa kami tumatag.
Nakakatuwa lamang isipin na sa kabila ng kaliwat kanang pag subok na dumarating sa aming pamilya ay heto pa rin kami at nakatayo ng mag kasama. Aminado ako na mahina kaming pareho ngunit sa isa’t isa lamang kami humuhugot ng lakas. Hilahan kumbaga. Kapag sumadsad ang isa ay aalalayan naman ng isa hanggang sa tuluyan ito
