"Anya napadaan ka," bungad ng tiyahin ng makita s'ya sa may gate ng bahay. Hindi nakaligtas sa kanya ang pagsuri nito sa mukha n'ya. Alam n'yang halatang umiyak s'ya.
"Si Ariel po T'yang?" Agad na tanong n'ya. Mula ng magtungo sila ni Gael sa asyenda hindi pa n'ya nakakamusta ang kapatid.
"Wala pa nasa eskwela pa si Ariel, maya-maya pa ang uwi no'n," sagot ng tiyahin at pumasok na sila sa loob ng bahay.
Pasimple n'yang ginala ang bahay. Maganda ang bahay at tamang-tama sa kanilang tatlo. Ito na marahil ang kabayaran sa lahat ng ginawa n'ya para kay Gael. Baka hanggang doon na lang talaga sila ni Gael.
"Kumain ka na ba? Gusto mo ipaghahanda kita," sabi ng tiyahin. Mula talaga ng umayos ang buhay nila ay bumait na sa kanila ang tiyahin.
"Huwag na po T'yang kakakain ko lang po" tannggi n
