Anya's POV
Kanina pa s'ya nakatitig sa malinis na tubig mula sa batis. Araw-araw s'yang nagtutungo sa batis para kahit papano mabawasan ang lungkot na nararamdaman n'ya at pangungulila kay Gael. Nais na nga n'yang magbalik ng San Sebastian, nami-miss na n'ya ang asawa. Nais na n'yang muling makasama si Gael.
Minsan lalo s'yang nalulungkot pag napapatingin sa kweba. Nais nga n'yang magtungo sa kweba, kaso natatakot s'ya, dahil hindi s'ya marunong lumangoy.
"Iniisip din kaya ako ni Gael?" Tanong n'ya habang nilalaro ang tubig sa mga paa. Bumuntong hininga s'ya at nagkibit balikat ng may mapansing anino sa may likuran n'ya.
Mabilis n'yang liningon ang anino at may nakitang lalaki sa may likuran n'ya. Kumunot ang noo n'ya at napatitig sa lalaking nakangisi sa kanya. Nakasandong puti ito a
