Pagpasok sa loob kung saan gaganapin ang celebration, agad na natuon ang mga mata sa kanila ni Gael. May mga kumunot ang noo nang makita siya — marahil dahil hindi si Julia ang kasama ni Gael, kundi siya na hindi naman kilala ng mga ito.
Napahigpit ang kapit niya sa braso ni Gael. Agad naman hinawakan ni Gael ang kamay niya. Kasunod nila ang magkapatid na Santillan, kaya lalong tumense ang lahat dahil nasa likuran nila si Julia. Ramdam na ramdam niya ang galit na mga mata ni Julia sa likod niya.
“I can’t believe you, Gael!” narinig niyang sabi ni Julia.
Huminto si Gael sa paghakbang, kaya napahinto na rin siya at nahihiyang sinulyapan si Julia.
“Don’t tell me siya ang ipapakilala mo instead na ako!” mariing sabi ni Julia at masamang tingin ang pinukol sa kanya.
“We don’t have anythi
