"Bakit ba kasi pumayag ka na dito mag-photoshoot, June? Ang init init oh! Tignan mo ang balat ni Trixie, sobrang namumula! God, kawawa naman 'tong baby!" over acting na saad ni Jessa.
Napailing na lamang ako at binihisan ng two piece si Trixie. Nasa beach kami, dito ginanap ang photoshoot. Hindi naman seryoso ang pula sa balat ni Trixie. Mawawala din agad 'yan. Ganiyan talaga siya kapag nae-expose sa araw. Masyado kasing sensitive ang balat niya. Tipong mahawakan mo lang ng kaunti ay namumula agad.
"Tss, anong gusto mong background habang nakasuot ng swimsuit? Simbahan? Chapel?" iritang anas ni June.
Natawa naman ako. Parang tanga talaga 'tong dalawa na ito. Minu-minuto na talaga silang nag-aaway. Kala mo mauubusan ng oras kung makapag-away e.
Kunwari tahimik si Jessa, hahanapan ng bu
