NAKAPANGALUMBABA LANG si Sonja habang pinagmamasdan si Rodjan na paligiran ng mga babae mula sa kinaroroonan niya sa bar counter. Napabuntunghininga na lang siya. Kanina nang kunin siya nito sa mga galamay ng magkakambal, akala niya ay magiging mas maayos na ang lahat sa pagitan nila ng binata. Dalawang beses na siya nitong hinawakan sa kamay at sa bawat pagkakataong iyon ay nararamdan niyang may kakaiba sa ikinikilos nito. Hindi ba iyon mahalaga rito? O siya lang ang nag-iilusyon na may ibig sabihin ang lahat ng iyon bukod sa gusto lang talaga nitong ilayo siya sa kapahamakan?
“Ang lalim ng buntunghininga mo, ah. Problem?”
Isang lalaki ang nakita niyang kaulayaw ng iniinom nitong alak. He doesn’t look familiar. Hindi rin siya sigurado kung miyembro ito ng SRC dahil hindi naman it
