Vicente
Habang binabaybay ang masukal at mapunong gubat, dala ko pa rin ang pangamba sa aking nagawa. Nag-aalala ako dahil may posibilidad na hindi na mangyari ang mga bagay na nasilayan ko sa hinaharap.
At ang mas pinag-aalala ko ay maaaring mapalitan ito ng 2015 na tulad ng napuntahan at naikwento ng mga kakambal nina Benson at Patricia. Kung saan, hindi nagtagumpay ang mga Kano sa pagbawi ng bansa at nanatili ang pamamalakad ng mga Hapon.
Ilang sandali pa natumbok ko na ang abandonadong bahay. Walang anu-ano’y nagsilipana ang sama ng loob na kanina ko pa kinikimkim. Bumalik sa isip ko ang ginawa sa akin ng tadhana; Ang pagdala nito sa akin sa ibang panahon na parang isang bagay na walang nararamdaman. Ang malaman sa hinaharap na hindi kami nagkatuluyan ng babaeng nag-iisa kong minah
