Nagising si Maia na ramdam ang pananakit ng buong katawan. Pakiramdam niya binugbog siya. Napakabigat ng katawan niya. Nanatili lang siyang nakapikit dahil sa pananakit ng mga kalamnan niya, sunod-sunod din ang paghinga niya. Hindi naman siya nalasing, nalasing siya sa epekto ng gamot na sinasabi ni Eli sa kanya. Malinaw pa sa kanya ang sinabi nito. Malakas ang kutob niyang may kinalaman si Alejandro. Ang lalaking iyon lang ang huli niyang nakatabi. Ngumiti pa ito sa kanya ng nakakaloko bago siya iwan sa counter.
Napapikit muli siya nang maalala niya ang ginagawa niya kagabi, pinapaligaya niya ang sarili, sana hindi nakita ni Eli ang ginagawa niyang iyon. Napalabi siya. Nakakahiya kapag nagkataon. Hanggang doon na lang ang naalala niya. Hindi mawala sa isip niya ang panaginip niya kanina
